Volta a calor!!!

Posted: under O tempo.

Ben, xa pasou a fin de semana de calor na Península e non tanto por este noroeste onde tivemos de todo. E como virá a semana? Aí vai o conto.

De momento o que podes ver é pouca nube, tal e como mostra a imaxe de satélite seguinte desta tarde. Algunha máis polo norte, pero sen importancia en canto a precipitacións.

satélitePois ben, o conto non vai a cambiar moito durante a semana xa que as altas presións van a mandar en maior medida e fará que o sol sexa o protagonista, agás polo norte onde se acumulará máis nebulosidade e mesmo poderían chover un pouco. De feito, polo noroeste o mércores podería ser un día de bastante nube con chuvia. Destacar tamén a posibilidade de treboadas polo leste peninsular durante a semana. O resumo visual disto telo nas dúas seguintes imaxes do modelo previstas para o vindeiro mércores pola tarde: á esquerda os campo de isobaras e á dereiba os campos de nebulosidade con precipitación.

nubes chuvia mércores presión mércoresAs temperaturas estarán en aumento polo sur, non tanto polo norte aínda que mañá si, pero xa logo o nordés fará que se relaxen o resto da semana, mentres que polo sur nin se enterán e seguirán con calor.

Co tempo haberá de todo, desde estar en calma ata que logo polo norte e noroeste se note e bastante de mediada a semana cara adiante. Polo sudoeste e nordeste tamén se deixará notar cara finais de semana.

Galicia non terá unha situación meteorolóxica moi clara ao longo da semana, así que as nubes serán as que manden. Hoxe e mañá menos, pero xa logo a partir do mércores máis e mesmo con chuvia ese mércores debido a entrada dunha fronte e xa logo so decorando o ceo. Despois dunha lixeira recuperación das temperaturas hoxe e que seguirá mañá, será a partir do mércores cando xa baixen un chisco. O vento será bastante protagonista, especialmente polo norte do país deixándose notar e moito e xa menos polo sur.

Como les, na Península a situación está máis clara con máis sol e calor, mentres que polo norte xa non tanto e as nubes terán máis presenza e mesmo con chuvia.

Comentarios (0) Xul 27 2015

DÍA DA PATRIA GALEGA

Posted: under Política.

Xa chegou o 25 de xullo e toca celebrar o noso día, o Día da Patria Galega, esa á que moitos aínda seguen tentando esnaquizar, pero non o dan conseguido nin o conseguirán porque o pobo galego revelarase contra iso e sairá fortalecido.

Por fin este ano parece que hai unidade, ou polo menos iso parece. Ten que ser un grupo de cidadáns os que lle/nos den unha boa lección aos políticos para poder manifestarnos todos xuntos, sen signos partidistas e defendendo unha causa común, que non é outra que A NACIÓN GALEGA.

Esperemos que isto sirva de precedente e dea o pistoletazo de saída para a unión de todas e todos de cara as vindeiras eleccións de finais de ano nas que Galiza se xoga moito, máis do que moita xente pensa. Pois iso, de que “a unión fai a forza”. Polo tanto, hai que deixar de lado as diferenzas que haxa e xuntar as cousas positivas de cara a derrotar ao inimigo común que nos está a levar ao pasado coas súas medidas e á pobreza cando se fala de cuestión sociais e económicas.

Non podo esquecerme un ano máis 8
de lembrar ás vítimas do accidente do tren en Angrois e ás súas familias e se esclarezan prontamente as causas do accidente e as/os culpables do mesmo paquen por elo.

IMG_20150719_174837

ADIANTE COA PATRIA GALEGA!!

Comentarios (0) Xul 25 2015

Verán con xeito

Posted: under O tempo.

Ben, parece que xa pasou a calor gorda e chegou un verán máis normal, non si? Agora queda saber se vai durar así ou hai cambios, así que xa cho conto deseguido.

De momento estase a cumplir o que che contei o luns que non era outra cousa que moito sol con treboadas en puntos do leste peninsular, como podes ver na seguinte imaxe de satélite desta tarde.

satélitePois ben, o conto do tempo non vai cambiar en demasía sobre na Península, agás polo noroeste e norte mañá, onde teremos o paso dunha borrasca desde Fisterra cara a Bretaña francesa e que, co seu paso, vai a ir anubrando o ceo polo noroeste ao longo xa desta noite e mañá pola mañá e ir deixando precipitacións que despois quedaran durante o día polo Cantábrico. Xa polo resto da Península nin se enteran disto e seguirán co seu sol e a probabilidade dalgunha treboada polo leste. O resumo visual disto telo nas dúas seguintes imaxes do modelo previstas para mañá ao mediodía co campo de isobaras á esquerda e os campos de nebulosidade e precipitación á dereita.

nubes chuvia vernes presión venresXa logo, entrados na fin de semana, esta historia varía e volven a mandar as altas presións facendo que o sol sexa o que mande sobre toda a Península. O domingo pola tarde parece ser que outra fronte visitaría o noroeste volverían as nubes e a chuvia, así que haberá que estar pendente de como evoluciona o conto. Mentres tanto, queda o sol, tal e como podes ver coas imaxes do modelo previstas para a medianoite do sábado ao domingo para as mesmas variables anteriores.

nubes chuvia sábado domingo presión sábado domingoCoas temperaturas non haberá problemas porque, aínda que fará calor, non será tanto dado que baixarán un chisco nesta fin de semana, notándose especialmente polo norte e acadando valores máis acaidos para esta época do ano.

O vento unicamente dará algún problema polo noroeste porque no resto da Península case nin se notará.

Como xa intues co que escribín máis arriba, nese noroeste está Galicia, así que resumido tocará chuvia na noite de hoxe e a mañá de mañá venres quedando aínda un pouco para a tarde e xa o sábado voltaría o sol a todo o país á espera de que para o domingo poda chegar outra fronte que anubre o ceo e deixe caer algo de auga de novo. De temperaturas estaremos ben ata o domingo que será cando volten a subir un chisco e notemos un pouco máis de calor. O vento si estará con nos durante os vindeiros días deixando notar e molestando por momentos.

Como les, toca verán como se coñece, con calor normal e algunhas treboadas, salvo polo noroeste e norte onde xa lles ven algo de chuvia.

Comentarios (0) Xul 23 2015

Si, xa refresca!!!

Posted: under O tempo.

Que? A que notaches algo menos de calor na fin de semana? Segue a facelo, que estamos en verán, pero xa menos que en días pasados e con valores máis normais para esta época do ano. E canto durará esta tregua? Paso a dicircho.

De momento o que temos é bastante sol, tal e como podes ver na seguinte imaxe de satélite desta tarde. Unicamente o noroeste se atopa anubrado e algunha nube de evolución pola Península.

satélitePois ben, a situación vai vir marcada polas altas presións na Península, pero non moi fortes e con aire frío en altura que vai facer que a masa de aire quente se retire e nos de unha tregua coas temperaturas e faga que a probabilidade de que aparezan treboadas sexa alta, especialmente en puntos do centro, norte e leste peninsulares durante toda a semana. Polo do resto o sol será o que mande, agás polo norte onde o vento do norte ou nordés fará que se acumule máis nebulosidade, sen descartar algúns orballos. Podes ver isto moi claramente nas imaxes do modelo previstas para o mércores á tarde: á esquerda o campo de isobaras e á dereita os campos de nebulosidade e precipitación.

nubes chuvia mércores presión mércoresAs temperaturas irán á baixa co paso da semana, especialmente polo norte e centro peninsulares. No sur seguirá certo calor, pero xa non tan extremo como estivo a ser estes días pasados.

O vento estará tranquilo durante toda a semana, comezando a notarse un pouco máis polo oeste cara mediados e finais de semana.

Para Galicia rematou o sol e a calor. Seguirá a facer calor no interior, pero xa non tan extrema como días pasados, mentres que no resto os valores moveranse en datos máis típicos desta época do ano. En canto ao ceo, pois entre nubes e claros vai andar o conto, con momentos con máis nubes polo norte debido ao vento do norte ou nordés. Como digo, fará menos calor e o vento non dará problemas, agás nas Rías Baixas onde si a partires de mediada a semana se vai a deixar notar máis.

Como les, parece que xa vai refrescar un pouco máis, aínda con calor polo sur e co refresque polas tardes coas treboadas.

Comentarios (1) Xul 20 2015

Algo refresca…

Posted: under O tempo.

Ben, xa estamos a rematar outra semana de calor intenso e segues coa mesma pregunta desde fai uns días, non si? Pois si, paso a dicirche se remata esta calor ou non.

Como ves na seguinte imaxe de satélite correspondente a esta tarde, algunha novidade xa hai sobre o ceo peninsular. Comezaron a aparecer nubes de evolución que deixaron algunha que outra treboada, así como a cola dunha fronte anubrando o ceo polo noroeste.

satélitePois ben, nos vindeiros días parece que algo cambia, non moito, pero algo si, porque temos que o anticiclón se fai un pouco menos forte e iso provocará que entre aire frío en niveis altos e, aínda que o sol seguirá sendo o protagonista, pola tarde poderían aparecer as nubes de evolución de novo e deixar algunha treboada, especialmente polo centro, nordeste e leste peninsulares. Polo tanto, seguiremos con sol sobre a Península, con algunha nube e xa polas tardes éstas serían de evolución. En imaxes podes ver isto nas dúas seguintes imaxes do modelo previstas para o sábado pola tarde, á esquerda o campo de isobaras e á dereita os campos de nebulosidade e precipitación.

nubes chuvia sábado presión sábadoA gran novidade ven dada pola temperatura xa que esta baixará un chisco. Aínda seguirá a ser alta en bastantes puntos do sur peninsular, pero xa abandonamos a vaga de calor que nos acompañou estes días. A diferenza entre a temperatura de hoxe (esquerda) e a prevista para o domingo (dereita) pódela ver a continuación.

temp domingo temp xovesO vento só se notará mañá polo sur peninsular para logo unirse á tranquilidade que terá o resto da Península nos vindeiros días.

En Galicia o tempo non che cambiará en gran medida con respeito ao que estamos tendo. Unicamente entre a tarde do sábado e a do domingo unha fronte moi feble cruzará o país e se anubrará o ceo e ata podería deixar algunhas pingas polo oeste. Do resto, pois algunhas nubes máis no litoral que desluzan o día de praia e máis sol polo interior. De calor? Pois un chisco menos que estes días. Seguirá facendo calor, pero xa con valores máis acaídos para esta época do ano e o vento non vai a estar para mitigalo porque apenas se notará.

Como les, algo de refresco si temos, tanto desde o punto de vista de que baixan as temperaturas coma desde o punto de vista das treboadas que algo tamén axudarán alí onde se produzan.

Comentarios (0) Xul 16 2015

O mesmo…

Posted: under O tempo.

Comezamos unha nova semana coa mesma expresión na boca: “Buff, que calor”, non si? E buscando a resposta á pregunta de cando remata, así que non me enredo e paso a respostarcha.

Como podes supoñer con esta calor que fixo hoxe e leva facendo estes días, o sol é o que manda no ceo peninsular, así que se pensas así, non estás errada/o e o podes ver claramente na seguinte imaxe de satélite desta tarde.

satélitePois ben, nada novo no horizonte do tempo, tanto no de reloxo coma no meteorolóxico. A Península Ibérica vai a seguir influenciada polas altas presións durante esta semana, tal e como podes ver na seguinte imaxe da esquerda correspondente ao campo de isobaras previsto para o vindeiro mércores ao mediodía. Unicamente as novidades estarían, por un lado polo Cantábrico onde o vento do nordés podería deixar algunha nube máis, tal e como ves na imaxe da dereita correspondente aos campos de nebulosidade e precipitación tamén previstos para o mediodía do mércores, e por outra banda a posibilidade de que nalgunhas zonas do interior e zonas altas poderían aparecer nubes de evolución e mesmo algunha treboada.

nubes chuvia mércores presión mércoresE claro, se a configuración sinóptica non cambia, temos que a masa de aire quente que está a afectar á Península vai seguir aí e, por conseguinte, a calor seguirá sendo a protagonista e seguirá sen dar tregua.

O vento non paliará a sensación de calor porque apenas se notará, agás polo noroeste onde si un pouco, pero tampouco moito e na zona do estreito de Xibraltar onde o levante estará presente.

Galicia seguirá con este sol e esta calor durante a semana. Unicamente polo norte aparecerán máis nubes debido ao vento do nordés e mesmo se podería escapar algún orballo. Como digo, seguiremos con calor, puidendo chegar aos 40º polo interior de Ourense e sur de Lugo e con pouco vento, agás pola costa mañá martes onde se notará un chisco máis.

Como les, non hai forma de que esta calor marche, así que outra semana máis toca evitala o mellor que se poida e ver se para o xoves che traio mellores novas e por fin refresca algo.

Comentarios (0) Xul 13 2015

Si, máis calor!!!

Posted: under O tempo.

Ben, se non derretiches aínda despois de tanta calor estarás pendente do que ven para esta fin de semana, así que no me lío máis e paso a contarcho.

O que temos por riba é moito sol. As nubes están desaparecidas no día de hoxe, tal e como podes ver na seguinte imaxe de satélite correspondente a esta tarde.

satélitePois ben, o conto segue igual. As altas presións van a seguir sobre a Península, así que o que tocará é moito sol e pouca nube. Vamos, o que xa levamos tendo estes días. A única novidade será que o vento do nordés fará que se acumule algo de nebulosidade polo Cantábrico e mesmo se podan escapar algunhas gotas. En imaxes telo a continuación: á esquerda o campo de isobaras previsto para o sábado ao mediodía e á dereita o campo de nebulosidade con precipitación.

nubes chuvia sábado presión sábadoE como podes supoñer con esta configuración da atmosfera, as temperaturas seguirán polo mesmo camiño que estes días, é dicir, moito calor, especialmente canto máis ao sur da Península. Polo tanto, a vaga de calor segue facéndonos compaña durante a fin de semana.

O vento seguirá tranquilo, agás polo norte e noroeste onde dará un pouco o coñazo.

E si, en Galicia relaxa este conto. Aínda que seguiremos coas altas presións mandando, estas ao entrar en forma de cuña fai que o vento de nordés mande e faga que o norte do país esté máis anubrado e fresco que o sur que será onde máis despexado estará e máis calor fará. O vento molestará polas Rías Baixas soprando ben e xa menos no resto do país.

Como les, a Península segue coa súa vaga de calor e mantendo días infernais de calor, mentres polo norte estaremos un pouco máis tranquilos.

Comentarios (0) Xul 09 2015

Quecendo igual…

Posted: under O tempo.

Remata unha fin de semana na que a calor seguiu a ser a protagonista e seguro que xa estás un pouco farta/o dela, non si? Pois agora toca ver se aínda queda algo de calor ou marcha xa dunha vez e da un respiro.

Como podes supoñer o que tempos na atmosfera é estabilidade da boa e para comprobalo bótalle un ollo á seguinte imaxe de satélite desta tarde onde as nubes brillan pola a súa ausencia, salvo algunha por aí solta decorando o ceo.

satélitePois ben, se o tempo non cambia é que segue igual. As condicións anticiclónicas van a seguir sobre a Península Ibérica favorecendo a estabilidade, tal e como podes ver na seguinte imaxe da esquerda correspondente á saída para o mércores ao mediodía do modelo para o campo de isobaras. Isto unido a que a masa de aire quente non se da movido fará que se siga cun ceo pouco anubrado ou despexado. Agora ben, durante o martes e o mércores o restos dunha fronte rozarán o norte peninsular e deixarán algunhas nubes máis e mesmo algunhas gotas non son descartables, tal e como ves na seguinte imaxe da de dereita para os campos de nebulosidade e precipitación, tamén para o vindeiro mércores ao mediodía.

nubes chuvia mércores presión mércoresCon todo isto a calor va a seguir na Península toda a semana. Como che dicía arriba, a masa de aire quente esta que está a provocar esta vaga de calor va a continuar e, polo tanto, non relaxará en gran medida as temperaturas.

Co vento si haberá novidades porque se espera que aumente a súa intensidade polo norte mediada a semana e se deixe notar. En canto ao resto da Península non haberá problemas coa súa intensidade porque apenas se notará.

Galicia seguirá libre, en certa medida, da intensa calor. Seguirá a calor no tramo final da semana, con ascensos considerables polo sur. E digo no tramo final da semana porque mañá martes, co paso dunha fronte que anubrará o ceo, baixarán un chisco para recuperarse a partir do mércores cando o ceo galego volte a quedar sen nubes. Tamén mediada a semana comezaremos a notar máis vento, especialmente pola costa norte, onde se notará e moito por momentos.

Como les, segue a calor. A masa de aire quente non da marchado e fai que sigan as altas temperaturas para esta semana.

Comentarios (0) Xul 06 2015

Segue a calor!!!

Posted: under O tempo.

Ben, preparada/o para a fin de semana ou non te recuperaches da calor da semana? Pois en nada che conto o que se ven enriba.

De momento o que temos é aínda moita calor con ceo con poucas nubes, agás polo norte e algunha solta por aí, tal e como podes ver na seguinte imaxe de satélite correspondente a esta tarde.

satélitePois ben, a historia é que isto non vai a cambiar moito nos vindeiros días. O anticiclón vai a ser o que mande en liñas xerais e, por riba, teremos de novo unha entrada de aire africano que voltará a provocar que as temperaturas en moitos puntos da Península Ibérica sexan moi altas de novo, semellante á que vivimos na fin de semana pasada. En canto ao estado o ceo o que mandará será o sol, salvo polo noroeste onde haberá un pouco máis de nebulosidade debido ao paso dunha fronte feble e que mesmo podería deixar algunha chuvisca sen importancia. Podes ver isto nas seguintes do modelo previstas para o sábado ao mediodía para os campos de isobaras (esquerda) e de nebulosidade con precipitación (dereita).

nubes chuvia sábado presión sábadoComo xa che adiantei, as temperaturas volven a ser bastante calurosas, é dicir, que suben con respeito a valores de hoxe, tal e como podes observar se comparas as dúas seguintes imaxes: á da esquerda correspondente a hoxe e á dereita a prevista para o domingo á mesma hora, o mediodía.

temp domingo temp xovesDo vento estaremos practicamente libres porque salvo nalgúns puntos illados do suroeste e leste, apenas se notará e alí o fará un chisco.

En Galicia tamén subirán as temperaturas, pero non será tanto coma en días pasados, pero teremos calor, pero non tanto sol porque o paso dunha fronte feble anubrará en certa medida o ceo do país e mesmo poderá deixar algunha precipitación pola Costa da Morte e Mariña Luguesa. O vento en xeral estará tranquilo, agás pola costa onde si se notará bastante máis.

Como les, toca volver a pasar moito calor na Península con moito sol, librandose un pouco o noroeste de todo iso.

Comentarios (0) Xul 02 2015

Pois cambiando algo…

Posted: under O tempo.

Buff, que calor!!! Seguro que esta é a expresión que máis usaches estes días, non si? Xa te avisei o xoves, así que agora non te queixes. Agora o que queres saber é cando marcha a calor, verdade? Xa cho conto agora mesmo.

Como podes ver na imaxe de satélite seguinte desta tarde, as nubes apenas aparecen e foi o sol o que mandou no ceo todo o día e quentando moito, con temperaturas por riba dos 40º en bastantes puntos e por riba dos 30º en case toda a Península.

satélitePois ben, o conto é que as altas presións seguirán dominando en liñas xerais, pero cun debilitamento polo este que fará que mediada a semana pase unha fronte que deixe algunha nube máis polo norte e mesmo chova, por momentos non se descarta que sexa en forma de treboada. Polo tanto, mañá martes seguimos como estamos, con moita calor debido a esa masa de aire quente africano e ceo pouco anubrado ou despexado. Xa o mércores esa masa de aire comeza a retirarse cara o leste e fará que polo oeste peninsular comecen a baixar as temperaturas e, ao mesmo tempo, entre unha fronte que anubre o ceo e deixe precipitacións, como che contaba antes. O xoves volveríamos á mesma, con ceo pouco anubrado ou despexado en toda a Península, con máis calor canto máis ao leste e menos polo oeste, sen descartar a aparación dalgunha nube de evolución polo centro e norte e que mesmo deixe algún chuvasco; e así para rematar a semana. O resumo visual disto telo nas dúas seguintes imaxes do modelo previstas para o mércores do campo de presión (esquerda) onde xa a cores escuras están máis marcadas cara o leste e o campo de nebulosidade con precipitación (dereita) con esas nubes marcando a fronte.

nubes chuvia mércores presión mércoresCo vento non haberá problemas porque estará tranquilo. Unicamente fará que a sensación de calor sexa un pouco maior.

Como puideches comprobar, Galicia, ese país onde sempre chove, desta vez non foi así e tamén papamos moita calor, pero xa, en pasado porque segundo avance a semana, aínda que seguirá facendo calor, especialmente polo sur de Lugo e Ourense, será menos, xa con valores máis acaídos para esta época do ano e non tan extremos coma os de hoxe e onte. Ademais, o mércores teremos a visita dunha fronte que proporcionará unhas cantas nubes ao ceo galego e deixarán algo de chuvia que refresque o ambiente, que boa falta fai. Apenas soprará o vento durante a semana.

Como les, chegou e segue o verán extremo, con temperaturas moi altas, pero coa tendencia a ir a menos, especialmente polo oeste peninsular e mesmo que chegue algo de auga.

Comentarios (0) Xuñ 29 2015