Entroido mollado!!!

Posted: under O tempo.

Estamos en xoves de comadres e cos días grandes do Entroido xa enriba e xa te estás a preguntar polo tempo, non si? Pois vai preparando o disfraz que o tempo xa cho digo agora.

As altas presións e, por conseguinte, o ceo pouco anubrado é o que temos enriba da Península nestes momentos, tal e como podes ver na seguinte imaxe de satélite de primeira hora desta tarde.

satélitePois ben, isto vai a ir remantado e as baixas presións serán as que collan sitio e, polo tanto, traian consigo algunha fronte que faga que este tempo cambie. Isto comezará na tarde do venres que será cando se acerque a borrasca e comecen as nubes e xa o sábado chegue a fronte polo noroeste que anubre xa de todo o ceo e traia a chuvia a esa zona da Península para logo, nas seguintes horas, seguir o seu desprazamento cara o leste perdendo forza, pero aínda así deixando chuvia polo centro e norte e, en menor medida, moi pouca o ningunha, no sur e leste peninsulares e así ata o mércores de cinsa co remate do Entroido. Para que te fagas unha idea disto, podes velo nas seguintes imaxes do modelo previstas para a medianoite do domingo ao luns para os campos de isobaras (esquerda) coas borrasca sobre as illas británicas e os campos de nebulosidade con precipitación (dereita) coas nubes e a súa chuvia asociada.

nubes chuvia domingo luns presión domingo lunsTamén teremos un cambio nas temperaturas dado que estas van a baixar nos seus valores máximos e farán que baixe a cota de neve aos 1000 metros ou mesmo menos polo norte. As mínimas, pola contra, subirán un chisco.

E como non hai duas sen tres, pois o vento tamén vai facer das súas co aumento da súa intensidade para o Entroido e soprando e moi ben sobre toda a Península, especialmente polo noroeste e norte.

Si, o Entroido en Galicia virá mollado, así de sinxelo. Desde o sábado, mañá aínda quedará algo de sol, pero con máis nubes; chegan máis nubes e con elas a chuvia durante todo este período de festa e troula. Serán máis importantes polo oeste do país, pero polo leste tamén as probabilidades de chuvia son altas de sábado a mércores. As temperaturas máximas baixan, sen ser tan frías e as mínimas suben e deixan os valores fríos destas noites. E si, o vento deixarase notar moito e por momentos moitísimo.

Como les, este ano temos un Entroido baixo a chuvia, así que non queda outra que adecuar o noso disfraz a tal situación e así poder gozar del mellor.

Comentarios (0) Feb 04 2016

Máis anticiclón!!!

Posted: under O tempo.

Ben, pasamos a fin de semana e chega unha semana máis que, ademais, da comezo ao mes de febreiro e xa en nada temos o Entroido. E que? Como virá o tempo? Para o Entroido aínda é cedo, pero para esta semana xa cho conto agora mesmo.

O que temos neste momento sobre a Península Ibérica é bastante sol, menos polo noroeste onde a nebulosidade é a que manda e mesmo está a deixar algún orballo, tal e como podes ver na seguinte imaxe de satélite correspondente a primeira hora desta tarde.

satélitePois ben, estas condicións anticiclónicas van a seguir sobre a Península durante toda a semana. Agora ben, iso non quita que haxa nubes. De feito, nesta fin de semana polo noroeste estivo anubrado e mesmo orballando e dominaban as altas presións. Así vai a seguir no día de mañá, con máis nubes polo noroeste e menos no resto. Xa a partires do mércores o sol con algunhas nubes polo sur será o protagonista e unicamente polo norte o vento do nordés axudará tamén con máis nubes mesmo con algo de chuvia, pero feble e atención á posibilidade de néboas en puntos do interior. Ollo, que o xoves polo sur e sudeste aparecerán máis nubes e mesmo con chuvia. Resúmoche isto en imaxes coas saídas do modelo previstas para o mércores ao mediodía: á esquerda o campo de isobaras co anticiclón e á dereita os campos de nebulosidade con precipitación con esas nubes e a chuvia.

nubes chuvia mércores presión mércores

As temperaturas estarán en descenso, notándose máis canto máis ao sur, agás polo noroeste onde as temperutaraturas ascenderán.

O vento estará tranquilo, menos polo sur, na zona do estreito de Xibraltar, onde se notará moitísimo máis e algo polo norte.

Si, as altas presións están sobre Galicia malia que non o creas. O culpable de todas estas nubes é o vento do sudoeste que está a aportar moita humidade e fai que ata orballe nalgúns puntos do litoral principalmente. E si, mañá aínda quedará un día moi semellante ao de hoxe e onte, pero xa a partires do mércores rola o vento ao nordés e cambia o conto, as nubes chegan ao norte e o sol ao resto do país con subida das temperaturas máximas e baixada das mínimas. Como digo, aínda que o vento rola de direción non soprará con moita intensidade.

Como les, seguen as altas presións, pero a súa maneira e neste tempo, así que haberá bastante sol con temperaturas típicas desta época do ano.

Comentarios (0) Feb 01 2016

Anticiclón!!!

Posted: under O tempo.

Ben, estamos rematando esta semana de tempo cambiante por este noroeste peninsular, pero seguirá así ou, pola contra, teremos estabilidade na fin de semana? Agora che saco de dúbidas.

De momento xa temos a fronte acabando de cruzar a Península Ibérica e deixando o ceo un pouco máis aberto polo oeste, tal e como podes ver na seguinte imaxe de satélite de primeira hora desta tarde.

satelitePois ben, parece que segundo avance a fin de semana as altas presións irán collendo sitio ao oeste da Península Ibérica e facendo que as nubes desaparezan e chegue o sol. Polo centro peninsular aínda mañá quedarán algunhas nubes e algo de chuvia, pero logo será a estabilidade atmosférica a que predomine e, polo tanto, o sol mandará. Polo noroeste o vento do oeste aportará algo de humidade, así que algunha nube máis si se verá e mesmo non se descarta algún orballo. O resumo visual disto con imaxes do modelo meteorolóxico pódelo ver a continuación no campo de isobaras (esquerda) coas altas presión ao oeste da Península e nos campos de nebulosidade e precipitación (dereita) coa ausencia de nubes, menos polo noroeste. Agora ben, tamén ten en conta que polo interior a posibilidade de néboas matunais estará presente durante a fin de semana.

presión sábado nubes chuvia sábadoCoas temperaturas non haberá moitas novidades, especialmente nas mínimas que non variarán moito. Aínda así, algunha xeada si se poderá producir en zonas altas. Nas máximas o ascenso vai a ser suave, notándose máis canto máis ao sur da Península.

Co vento só haberá problemas polo norte que será onde máis se notará, mentres que no resto apenas se notará.

Si, chega o anticiclón a Galicia, pero non vai a vir de pleno. A chuvia seria marchará, aínda que quedarán as nubes. Mañá venres si será un día de moito sol, con néboas matinais, pero xa na fin de semana o vento de compoñente oeste fai facer que se formen máis nubes e mesmo no domingo podan deixar algúns orballos. Xa canto máis ao interior, máis sol e menos nubes. As temperaturas en lixeiro ascenso, pero sen acadar os valores da fin de semana pasada. O vento estará presente polo norte do país e menos polo sur.

Como les, toca estabilidade para esta fin de semana e a chuvia nos deixa tranquilos por unha temporada, cousa que xa che confirmo o vindeiro luns.

Comentarios (0) Xan 28 2016

Tranquilidade relativa

Posted: under O tempo.

Ben, xa rematou o meu descanso e me tes de volta de novo neste recuncho da rede coa predición. Pasaron cousas nestes días, desde un furacán no Atlántico no mes de xaneiro ata unha calor inusual; e de hoxe en diante, que? Xa paso a contarcho.

O que temos nestes momentos é paso dun sistema frontal polo oeste da Península, tal e como podes ver na seguinte imaxe de satélite de primeira hora desta tarde.

satelitePois ben, esta fronte continuará o seu desprazamento cara o leste, pero desfacéndose co seu paso, así que apenas chegará nada dela ao Mediterráneo e as altas presións estarán sobre a Península no día de mañá martes, aínda que con algunhas nubes, tal e como podes ver nas seguintes imaxes do modelo previstas para o mediodía de mañá martes para os campos de isobaras (esquerda) e nebulosidade con precipitación (dereita).

presión martes nubes chuvia martesXa esta tranquilidade irá rematando polo noroeste na xornada do mércores coa entrada dun sistema frontal que traerá nubes e chuvia para madrugada do mércores ao xoves e que se estenderá cara o leste, pero perdendo forza, é dicir, con menos nubes e menos chuvia. Podes ver isto nas imaxe do modelo previstas para a medianoite do mércores ao xoves nas mesmas variables de antes.

presión xoves nubes chuvia mércores xovesTrala bonanza de temperaturas desta fin de semana, temos que co paso dos días vai a ir marchando. Xa no día de hoxe notouse unha baixada das mesmas e así seguirá día tras día segundo avance a semana, notándose sobre todo no norte peninsular.

O vento respetará a semana, agás polo noroeste e oeste onde se notará máis e por momentos bastante máis.

E si, acabouse este tempo tan espectacular que tivemos onte por Galicia. Xa hoxe tocou o paso dunha fronte que deixou chuvias ata media tarde, pero aínda así teremos día e medio de calma coa chuvia, aínda que con nubes, porque ata a tarde-noite do mércores non chegaría outra fronte e con ela a chuvia de novo para deixar unha madrugada de mércore a xoves e mesmo xoves con chuvia. A calor e os 20º da fin de semana pasan a mellor vida e aínda que frío non fará moito, si baixan as temperaturas para acadar uns valores máis normais para esta época do ano e mesmo algo frías pola noite. O vento seguirá acompañándonos nos vindeiros días, sobre todo o mércores que será cando máis se note.

Como les, acabouse o bo desta fin de semana e voltamos á rutina das frontes, aínda que polo centro e leste peninsulares non o noten tanto, pero si polo oeste e norte.

Comentarios (0) Xan 25 2016

PECHADO POR VACACIÓNS

Posted: under Calquer cousa.

Si, este ano é o que toca, días non tan habituais á hora de coller vacacións, pero desta vez é o que me tocou ao ter que cubrir turnos de vacacións, así que despois dun Nadal ao pé de borrasca agora me toca a min desconectar un pouquiño; cousa que tentarei.

Deixote cos meus compañeiros de MeteoGalicia (www.meteogalicia.es) e 4 gotas (www.4gotas.com) que estarán aí para informarte ao detalle do tempo que nos virá esta semana e pico que estarei ausente neste blogue, aínda que no meu twitter (@omtesouro) posiblemente non o esté tanto o que si, non entrarei en detalle.

Vémonos na semana do 18 de xaneiro!!!

pechado por vacacións

Comentarios (1) Xan 07 2016

Chovendo…

Posted: under O tempo.

Estamos a piques de recibir os Reis Magos e seguro que queres saber se veñen mollados ou en seco, non si? Esa dúbida resólvocha agora mesmo.

De momento o que temos é unha Península Ibérica con moitas nubes deixando precipitacións en moitos puntos, especialmente polo centro e norte; tal e como podes ver na seguinte imaxe da satélite correspondente a primeira hora desta tarde.

satélitePois ben, a situación non vai a variar moito nos vindeiros días. As borrascas polo Atlántico norte van a seguir marcando o tempo na Península Ibérica coa súa influencia e as súas frontes asociadas. Polo tanto, o noroeste peninsular non se vai librar das nubes e da chuvia en toda a semana e canto máis ao leste e sur libraranse un pouco, pero tampouco moito porque as frontes irán recorrendo a Península de oeste a leste durante toda a semana. Mais que palabras, unha imaxe di moito máis, así que aquí tes a saída do modelo prevista para o mediodía do día de reis, para o campo de isobaras coas borrascas (esquerda) e os campos de nebulosidade con precipitación e as frontes asociadas a esas baixas (dereita) na que se resume moi ben o tempo para esta semana.

nubes chuvia reis presión reisDe temperatura, pois máis frías. De feito, a baixada prevista para mañá vai facer que a cota de neve polo noroeste chegue ata os 700 metros, mentres que no resto do norte peninsular andará polos 1000 metros, así que por riba desa altitude o que caia de precipitación será en forma de neve. Xa o xoves as temperaturas se recuperarían un chisco e a cota de neve voltaría a subir.

Do vento non te vas librar porque nos vai a acompañar ao longo da semana cunha intensidade moderada e mesmo forte nalgúns puntos.

E si, vai chover toda a semana en Galicia. Así de simple é a predición do tempo esta semana. Ademais baixan as temperaturas e ata o xoves non se recuperan, así que baixa a cota de neve e por riba dos 700 metros mañá xa se poderán ver as primeira folerpas de neve. E por se fora pouco, toca meter pedras no peto porque o vento vai soprar ben, e cara finais de semana soprará de carallo.

Como les, winter is comming, ou dito en galego, chega o inverno xa por fin coa súa chuvia, o seu frío, a súa neve, o seu vento. Agora ben, ata cando? Iso xa cho resolvo o xoves.

Comentarios (0) Xan 04 2016

Fin de ano seco, pero só nese momento…

Posted: under O tempo.

Estamos a piques de rematar este 2015 do que cada un fará o seu balance e pedirá algo para o seguinte, pero de momento o que estás a pedir é saber como comeza o tempo, non si? Pois xa cho conto agora mesmo.

O que temos enriba é o paso dun sistema frontal bastante activo que estivo deixando chuvias polo noroeste e se dirixe cara o leste aportando nebulosidade e precipitación, tal e como podes ver na seguinte imaxe de satélite correspondente a primeira hora desta tarde.

satélitePois ben, esta fronte acabará de pasar sobre a Península no día de mañá, pero perdendo forza ao seu paso, así que a chuvia irá a menos e apenas chegará ao leste. Ao mesmo tempo se irán abrindo claros polo oeste deixando unha xornada de fin de ano con pouca probabilidade de chuvia e, por momentos, ata se poderá ver o sol dado que a nebulosidade será menor, tal e como podes ver nas seguintes imaxes do modelo previstas para mañá xoves, día de fin de ano, ao mediodía para os campos de isobaras (esquerda) e os campos de nebulosidade con precipitación (dereita).

nubes chuvia fin de ano presión findeanoXa coa entrada do ano novo teremos a entrada dunha nova fronte polo noroeste que seguirá o mesmo recorrido que a de hoxe, é dicir, irá anubrando o ceo de oeste a leste e deixando precipitacións. De novo, coas imaxes do modelo das mesmas variables de antes previstas para o mediodía deste día de ano novo podes ver isto.

nubes chuvia aninovo presión aninovoUnha vez pase a fronte durante o primeiro día do ano, chega con el certa estabilidade para a fin de semana. As chuvias remitirían e quedarían en forma de chuvascos á espera dunha nova fronte o domingo que novamente irá anubrando o ceo de oeste a leste e deixando algo de chuvia, tal e como che mostro coas imaxes do modelo previstas para a medianoite do sábado ao domingo para as mesmas variables.

nubes chuvia sábado domingo presión sábado domingoDas temperaturas non te preocupes porque apenas variarán con respeito aos valores destes días. Quizais unha lixeira baixada tralo paso das fronte que, á súa vez, fará que a cota de neve baixe, pero nunha por baixo dos 1000 metros.

Do vento sí haberá que estar atento/a se estás polo norte e noroeste porque será nesas zonas onde se notará e moito durante todos os días. Cara a fin de semana tamén polo leste se podería notar algo máis que estes días porque apenas haberá noticias del no resto da Península.

Si, en Galicia seguiremos con este carrusel de frontes, xa que día si e día non é o que estamos a ter. Así que, se fas contas, o que toca para fin de ano é que non, pero iso non quita que mañá chova algo, tipo chuvasco, pero deixando unha noite de fin de ano con baixa probabilidade de chuvia, pero ollo, que se alongas a festa polo oeste do país, xa na mañá do primeiro día do ano te pode pillar algo de chuvia porque nese día toca si. Si, o paso dun novo sistema frontal que deixe chuvia o venres. Logo, o sábado, toca non, así que salvo chuvascos illados que irán a menos, non tocará moita chuvia ata o domingo coa entrada doutra fronte con máis chuvia. Malia a baixada de temperaturas de mañá, seguiremos sen moito frío e con temperaturas agradables para estarmos en decembro. Co vento si haberá problemas porque seguirá soprando bastante durante todos os vindeiros días.

Como les, toca un fin de ano seco para poder gozar da troula, pero logo chega de novo a chuvia para continuar esta serie de borrascas que están afectando a Península Ibérica e, sobre todo, ao noroeste.

Só me queda desexarte un moi bo ANINOVO.

Comentarios (0) Dec 30 2015

Cambio de tempo!!!

Posted: under O tempo.

Ben, xa estamos á porta de rematar este ano 2015 e a punto de recibir o 2016 e ti sen saber como virá o tempo, non si? Veña, que non me lío e paso a contarcho xa.

De momento xa temos que o conto cambiou co paso dunha fronte no día de hoxe e que podes ver perfectamente na seguinte imaxe de satélite de primeira hora desta tarde.

satélitePois ben, este cambio seguirá en certa medida nos vindeiros días. O anticiclón faise débil no Mediterráneo e xa permite o paso das frontes polo oeste, como a do día de hoxe que está deixando boa ración de chuvia, e así seguirá nos seguintes días. Ata a tarde do mércores toca tregua, así que sobre a Península verase o sol por momentos e noutros nubes. Será nesa tarde do mércores cando unha fronte chega polo oeste e irá anubrando máis o ceo de oeste a leste e con esas nubes chegará máis chuvia ata primeira hora da tarde do xoves e así deixar unha noite de fin de ano libre de chuvia. Podes ver isto nas imaxes do modelo para estes días ao mediodía a continuación para o campo de isobaras á esquerda e os campos de nebulosidade e precipitación á dereita: o martes as superiores, o mércores as centrais e o xoves as inferiores.

nubes chuvia martes presión martesnubes chuvia mércores presión mércoresnubes chuvia xoves presión xovesCoa temperatura tamén haberá algunha novidade que outra dado que baixarán un chisco esta semana, especialmente mañá tralo paso da fronte. Asímesmo, isto fará que baixe a cota de neve, así que por riba dos 1000-1200 metros mañá polo norte e noroeste se poderán ver algunhas folerpas, pero logo xa se acabaría co descenso da probabilidade de precipitación.

O vento seguirá igual, ausente en gran parte da Península e presente polo norte e noroeste durante a semana.

E si, en Galicia parece que o fin de ano ven seco, pero antes toca o pouco que aínda quede do día de hoxe, outra fronte para o mércores e algunhas gotas na tarde de fin de ano, coas treguas correspondentes entre o paso das frontes. En canto ás temperaturas, pois baixada mañá, subida o mércores e de novo baixada o xoves; tanto máximas coma mínimas. E o vento que non nos vai a abandonar en toda a semana.

Como les, xa estamos en época de cambios coa entrada de frontes polo oeste, como cabe esperar nesta época do ano, aínda que non con moito frío. E si, pinta ben para fin de ano, pero iso xa cho conto con calma pasado mañá.

Comentarios (0) Dec 28 2015

Seguimos estables. Case todos…

Posted: under O tempo.

Ben, estamos na véspera de Noiteboa e pendentes de ceas, regalos, troulas e demais eventos destas datas. Agora so queda saber o tempo que nos espera para poder organizarnos mellor, non si? Pois alá vou.

De momento seguimos co que xa che contaba antonte: o noroeste con máis nubes e algunhas polo leste, manténdose o resto da Península con bastante sol, tal e como podes ver na seguinte imaxe de satélite de primeira hora desta tarde.

satelitePois ben, a situación vaise manter sen moitos cambios nos vindeiros días de Noiteboa, Nadal e na fin de semana. As altas presións seguirán sobre o Mediterráneo e deixando pasar algunha fronte o o que quede delas polo noroeste durante o día de mañá e xa con máis estabilidade a partires do día de Nadal. Xa o domingo voltamos ás andadas coa entrada dunha fronte. Polo tanto, a tradución disto no tempo é que polo noroeste aínda continuarán as nubes e con algo de chuvia, diminuíndo a súa probabilidade a medida que nos achegamos ao día de Nadal e sen nubes con máis sol, non de todo, no resto da Península. Xa a partires dese día de Nadal a atmosfera se estabiliza e mandará máis o sol en toda a Península ata o domingo que será cando comecen a chegar as nubes asociadas a unha fronte polo oeste peninsular. En imaxes podes ver isto nas seguintes saídas do modelo previstas para a Noiteboa (imaxes superiores) e para o domingo ao mediodía (imaxes inferiores) para o campo de isobaras (esquerda) e os campos de nebulosidade e precipitación (dereita).

nubes chuvia noiteboa presión noiteboanubes chuvia domingo presión domingoSi, xa sei que estamos en decembro e non fai frío, pero é o que toca porque nos vindeiros días as temperaturas seguirán sen moitos cambios e con estes valores tan suaves para estarmos no inverno.

O vento terá a súa predileción polo norte e noroeste peninsulares onde seguirá soprando e ben. A estas zonas unirase o sur, onde tamén comezará a notarse bastante. O resto de zonas estarán tranquilas del, apenas se notará.

Si, Galicia aguantará con este ambiente húmido, de nubes e chuvia unhas veces, orballo outras, nada noutros momentos ata mañá día de Noiteboa, sendo máis probable todo isto canto máis ao oeste do país. Xa co día de Nadal as nubes irán a menos e aguantará así ata o domingo que serán cando volten as nubes coa chegada dun sistema frontal. Das temperaturas non te preocupes porque seguirán igual, é dicir, suaves para estarmos en decembro. Pola contra, do vento si deberías preocuparte porque a súa intensidade será moderada, por momentos forte  no mar, durante os vindeiros días.

Como les, toca un comezo de Nadal tranquilo, menos polo noroeste onde teremos un pouco máis de actividade, pero non moita.

Agora o que queda pasalo ben e gozar desta Noiteboa e Nadal e a min śo me queda desexarche un BO NADAL.

Comentarios (0) Dec 23 2015

Estabilidade relativa…

Posted: under O tempo.

Comezamos esta semana de Nadal e xa todos pensando na Noiteboa e o día seguinte de Nadal e todo o que conleva, non si? Pois xa paso a adiantarche o tempo que nos levará ata eses días e mesmo para eles.

De momento o ceo peninsular segue con poucas nubes, agás polo noroeste onde si as hai e nos vales do Ebro e Douro e Estremadura onde a néboa non da marchado, tal e como podes ver na seguinte imaxe de satélite correspondente a primeira hora desta tarde.

satelitePois ben, nos seguintes días non che vai cambiar moito o continuaremos con estas altas presións relativas sobre a Península Ibérica, pero non con tanta forza e facendo que algunha fronte roce o noroeste peninsular. Polo tanto, o sol seguirá sendo o protagonista sobre o ceo peninsular, con algunha nube solta, pero xa polo noroeste isto cambia porque esas frontes anubrarán máis o ceo e mesmo deixarán precipitacións. O resumo disto pódelo ver nas seguintes imaxes do modelo previstas para a medianoite do martes ao mércores para os campos de isobaras (esquerda) e nebulosidade con precipitación (dereita).

presión martes mércores nubes chuvia martes mércoresAs temperaturas estarán sen moitos cambios con respeito aos valores destes días, así que toca algo de frío pola noite e temperaturas agradables durante o día.

Do vento so debemos preocuparnos polo norte e noroeste porque será onde sopre un pouco máis forte, por momentos bastante, mentres que no resto da Península apenas haberá noticias del.

E si, en Galicia mandarán as nubes máis que o sol durante toda a semana. E si, estas nubes tamén traerán chuvia, especialmente polo oeste do país e menos na parte leste, sobre todo na xornada do mércores, De temperatura como estamos, sen moitas variacións nas máximas e lixeira subida nas mínimas. Non libraremos do vento en case toda a semana, só o mércores se notará menos porque no resto de días molestará e bastante por momentos.

Como les, segue esta relativa estabilidade sobre a Península, agás polo noroeste onde seguimos sendo ese sitio distinto do tempo e xa che adianto que para os días festivos que temos por diante non pinta mal o tempo, pero xa cho concreto o mércores con maior detalle.

Comentarios (1) Dec 21 2015