Marchará a calor?

Posted: under O tempo.

Buff, vai moita calor, verdade? Xa cho dicía o luns pasado e os prognósticos estanse a cumprir porque parece que isto aínda non acabou, ou si? Agora cho digo.

O que ves na seguinte imaxe de satélite é como o anticiclón e o vento de compoñente norte están a afectar á península Ibérica con ceo practicamente despexado, agás esa boina de nubes que é o Cantábrico.

Pois ben, este conto vaiche seguir igual. As altas presións xunto coa masa de aire quente van a continuar na península Ibérica durante os vindeiros días. Así que, o sol seguirá a ser o protagonista, agás polo norte onde novamente o vento do norte provocará a aparición dalgunhas nubes e que mesmo poderían deixar algo de chuvia. Podes ver isto nas seguintes imaxes do modelo GFS previstas para o sábado ao mediodía para os campos de isóbaras e nebulosidade (esquerda) e o campo de precipitación (dereita).

Agora ben, o domingo poderían chegar algo de cambios, pero tranquilidade que tampouco serán moitos e unicamente sería a posibilidade de que aparecesen nubes de evolución e mesmo algún chuvasco treboento para refrescar o ambiente.

Si, a calor vai a seguir na fin de semana. Seguirá esta vaga de calor que está afectando ao centro e sur da península, pero con temperaturas tamén máis altas do normal polo norte.

De vento imos estar relaxados ao longo da fin de semana, agás polo noroeste e sueste onde ser notará un pouco máis.

Si, tamén teremos calor en Galicia. Xa levamos un par de días que lle está a chegar, pero sinto dicirche que aínda queda ata o comezo da semana que ven para que se marche porque seguiremos con valores por riba dos 30º en moitos puntos do país e sen descartar que se alcancen os 40º nalgún punto do interior galego. Como podes supoñer o sol será o que mande. Algunha nube pola Mariña Luguesa, pero tempo seco e soleado toda a fin de semana. O único a destacar será o vento porque polo litoral e nalgún punto de terra se podería deixar notar con certa importancia.

Como les, seguimos baixo os efectos da masa de aire cálido que chegou mediada a semana e que tanto lle gusta a península porque non da marchado, así que toca levalo o mellor que se poida e obedecer as indicicacións que se nos dan para mitigar o seu efecto.

Comentarios (0) Xul 13 2017

Outra vez a abafar de calor?

Posted: under O tempo.

Comezmos unha semana máis deste mes de xullo que no tempo está vindo un pouco rariño, non si? E que non terá preparado para esta semana? Xa cho conto agora porque telita o que ven.

De momento o que temos xa é moito sol sobre a península Ibérica, pero con algunhas nubes polo norte que mesmo deixaron algunha chuvia moi feble, tal e como podes ver na seguinte imaxe de satélite desta mesma tarde.

Pois ben, parece que a situación se vai a ir estabilizando esta semana e non sei se che gustará porque as altas presións irán collendo sobre a península, co seu centro ao oeste da mesma. Porén, o problema estará na masa de aire quente que entrará polo sur e que nos deixará un aumento de temperaturas moi importante. Vamos, que irá moita calor no centro e sur peninsulares, principalmente, con valores máximos que pasarán tranquilamente dos 40º en moitos puntos, sen descartar que se sobrepasen os 45º. Ademais ven para quedarse uns días a partir do mércores. Podes ver esta masa de aire nas seguintes imaxes do modelo GFS previstas para as tardes do mércores (esquerda) e do venres (dereita) nese ton tan rosáceo.

Do resto, pois esta estabilidade fará que o ceo peninsular esté con moito sol, agás polo norte onde o vento do nordés fará que haxa algunhas nubes, tal e como podes ver nas seguintes imaxes do modelo para os campos de isóbaras, co anticiclón ao oeste da península, e o campo de nebulosidade (esquerda) e o campo de precipitación (dereita) previstos para o mércores ao mediodía.

Agás polo oeste, o vento estará moi tranquiliño ao longo desta semana.

Si, tamén chega a estabilidade e a calor a Galicia. Mañá martes aínda quedarían algunhas nubes polo norte e mesmo con algún orballo. Xa, a partir do mércores, as altas presións mandarán traéndonos moito sol ao ceo galego e aumento das temperaturas. Esa masa de aire quente tamén nos afectará, pero en menor medida, pero o suficiente para que se acaden valores moi calorosos no final da semana, especialmente polo interior.  O vento, agás no litoral, non dará problemas e soprará frouxo.

Como les, temos outra semana de moita calor por diante, así que non fagas loucuras e segue os consellos pertinentes que te quero moito tempo para leres este blogue.

Comentarios (1) Xul 10 2017

Despois da tempestade, a calma?

Posted: under O tempo.

Que? Aínda coas treboadas no lombo? Foi esta unha semana movidiña, sobre todo hoxe onde da calor pasamos a inestabilidade, así sen anestesia nin nada, verdade? E agora é cando te estarás a preguntar se o tempo se vai compor ou non, así que xa paso a respostarche.

Como puideches comprobar, case non fai falta que che poña a imaxe de satélite desta tarde para comprobalo, as treboadas foron as protagonistas no día de hoxe en moitos puntos da península Ibérica onde deixaron chuvias importantes.

Pois ben, a situación de inestabilidade vai a continuar nos vindeiros días. A bolsa de ar frío seguirá por riba da península alimentando a inestabilidade e ata entrada a fin de semana non a abandonará. Polo tanto, mañá vernes continuará a alta probabilidade de chuvascos treboentos en calquer punto da xeografía peninsular, coa zona centro como á de máis alta probabilidade, tal e como podes ver nas seguintes imaxes do modelo GFS previstas para mañá venres pola tarde para os campos de isóbaras e nebulosidade (esquerda) e precipitación (dereita).

Xa cara a fin de semana esta probabilidade tenderá a remitir, quedando aínda algún que outro chuvasco, pero con cambios polo norte con aumento da nebulosidade e mesmo algo de chuvia, mentres o sur queda máis libre dela. Para os mesmos campos de antes tes o resumo disto nas seguintes imaxes do modelo.

As temperaturas en xeral estarán tranquilas, en lixeiro descenso, notándose sobre todo polo leste. Todo isto ata o sábado porque o domingo mantéñense e mesmo polo sur poderían ascender un chisco.

O vento, agás polo norte, estará tranquilo porque soprará con intensidade frouxa, mentres que nesas zonas que che comentaba será un pouco máis intenso.

Despois das treboadas de hoxe, Galicia irá recuperando a normalidade pouquiño a pouco aínda que non de todo. Si, as altas presións veñen e deixarán un venres e, sobre todo, un sábado de moito máis sol e baixa probabilidade de chuvia. Xa o domingo voltarían algunhas nubes a ceo galego para deslucir e deixar unha xornada non de tanto sol. De temperaturas sen moitos cambios cunha lixeirisima tendencia ao ascenso. E o vento deixándose notar no litoral, especialmente polas Rías Baixas, mentres que no resto relativamente relaxados.

Como les, despois da tempestade ven a calma. Ou iso parece que é o que como se nos presenta a fin de semana.

Comentarios (0) Xul 06 2017

Calor e inestabilidade?

Posted: under O tempo.

Bueno, chegou o verán, non si? Porque despois da semana pasada que tivemos quen o ía crer, verdade? Pois agárrate que esta semana promete, xa cho vou adiantando.

De momento o que temos é moito sol e calor no día de hoxe, onde o sol manda sobre o ceo peninsular, tal e como podes ver na seguinte imaxe de satélite desta mesma tarde.

Pois ben, a semana ven entretida porque teremos a visita dunha bolsa de ar frío en altura que provocará inestabilidade a partir do mércores. Onde? Esa é a cuestión porque en función de onde se sitúe haberá máis ou menos inestabilidade e afectará a unhas zonas ou a outras. Para ver a incertidume que a día de hoxe hai sobre a súa posición só tes que mirar a seguinte imaxe do ensemble do modelo WRF que temos en MeteoGalicia onde cada un dos 21 membros do ensemble mostra unha posición distinta sobre a península Ibérica. A bolsa de ar frío pódela recoñecer como ese círculo amarelo.

E dito isto só me queda traducircho en como o “sufrirás” ti, así que só che digo que mañá aínda toca unha xornada de moito sol e calor, pero xa cas primeiras treboadas que poderían aparecer polo norte. Xa a partir do mércores comeza a festa porque os chuvascos, moitos deles treboentos estarán presentes en case toda a península, quedando o sur un pouco máis libre. Iso si, serán máis ou menos frecuentes e intensos en función de onde se situe finalmente esa bolsa de ar frío que provocará, xunto co ar quente que xa hai en superficie, toda a inestabilidade suficiente para eses chuvascos. Podes ver isto nas seguintes imaxes do modelo GFS previstas para madrugada do mércores ao xoves para os campos de isóbaras e nebulosidade (esquerda) e precipitación (dereita).

Como che dicía, aínda queda calor para mañá, pero xa logo as temperaturas irán baixando e a calor abafante irá marchando e quedaremos en valores máis frescos.

O vento de levante polo sur aínda continuará soprando e ben no día de mañá para logo ir remitindo no resto da semana. No resto da península pouca noticia del teremos, algún refacho así algo moderado na metada de semana, pero non gran cousa.

E si, tamén a inestabilidade chegará a Galicia. Mañá aínda paparemos calor da boa en case todo o país, pero especialmente no sur de Lugo e interior de Ourense; pero toma nota de que poderían aparecer as primeiras treboadas. A partir do mércores chega a inestabilidade con aumento da nebulosidade e da probabilidade de chuvia, así que ese día e o seguinte serán días grises con chuvia en Galicia e temperaturas máis frescas porque a bolsa esa tan famosa da que estou a falar, fará que o ambiente refresque, ao mesmo tempo que o inestabiliza. O vento soprará frouxo, agás no litoral norte onde soprará con maior intensidade.

Como les, temos por diante unha semana entretida nisto do tempo. Saber a quen lle toca hoxe a lotería dos chuvascos, especialmente os intensos, eche bastante difícil, pero toma nota por se che toca a ti.

Comentarios (0) Xul 03 2017

Refrescando?

Posted: under O tempo.

Ben, estás farta/o de calor, non si? A verdade é que xa lle chega ben, así que vou ver o que me din os mapas e paso a contarche o que ven para esta semana.

Como podes ver na seguinte imaxe de satélite de primeira hora desta tarde, as nubes son as que mandan polo norte e asi se nota un certo refresco do ambiente, mentres que no resto da península o sol segue a mandar e mesmo a quentar.

Pois ben, parece que en certa medida esta situación vai a ir cambiando. As altas presións non serán tanto porque se nos van cara o Atlántico e, polo tanto, da paso a que as borrascas que andaban polo norte de Europa nos afecten, principalmente polo norte peninsular. E con isto teremos entrada de aire frío nas capas medias e altas da atmosfera. En que se traduce isto? Tradúcese en que polo centro en norte peninsulares haberá bastante inestabilidade con nubes e chuvias, algunhas delas de tipo treboento. Xa canto máis ao sur e leste a probabilidade será menor e haberá máis sol. Podes ver isto nas seguintes imaxes do modelo GFS previstas para o vindeiro mércores ao mediodía para os campos de isóbaras e nebulosidade (esquerda) e o campo de precipitación (dereita).

Si, por fin vai refrescar. Cada día que pase desta semana irá facendo menos calor e será sobre todo polo norte e centro e en menor medida polo leste onde se producirá este descenso.

E con todo isto tamén teremos un aumento da intensidade do vento desde mañá martes e notarase en toda a península, nalgúns punto de xeito importante.

Bueno, cambia o tempo en Galicia. Se a semana pasada fervíamos de calor, ésta toca cambio case radical porque xa non só é o descenso das temperaturas, de ata 15º nas máximas, senon tamén porque chega a chuvia. Serán días de moita nube e chuvia, por momentos importante, por outros menos e algúns sen ela. E para completar a festa tamén chega o vento e soprará con certa intensidade a partir do mércores.

Como les, toca cambio de tempo. Marcha a calor e chega algo de chuvia ao norte, non ao sur, pero alí o que notarán é que xa non sufrirán tanta calor.

Comentarios (0) Xuñ 26 2017

Marchará a calor por fin?

Posted: under O tempo.

Seguimos baixo os efectos desta calor abafante, non si? Xa che conto agora mesmo cando remata porque, xa che adianto, parece que haberá boas novas, pero con matices e a iso vou agora mesmo.

Polo momento no norte peninsular hai poucas novas do sol, mentres que no resto da península segue a ser o protagonista e mesmo quentando, aínda que con algunha que outra treboada, tal e como podes ver na seguinte imaxe de satélite de primeira hora desta tarde.

Pois ben, parece que algúns cambios si vai a haber nesta fin de semana. A entrada de aire frío en altura fará que as temperaturas se relaxen, especialmente polo norte peninsular e aumente en certa medida a inestabilidade. Polo tanto, haberá máis nubes no ceo que polo norte e mesmo poderán deixar algunhas gotas de chuvia xunto coa posibilidade dalgunha treboada na fin de semana polo centro e leste peninsulares. Podes comprobar isto nas saídas do modelo GFS previstas para o sábado pola tarde para os campos de isóbaras e nebulosidade (esquerda) e o campo de precipitación (dereita).

E si, baixan as temperaturas. Por fin, dirás. Polo centro e sur notarase pouco e será no resto onde notaremos esa baixada ata valores máis acaidos para esta época do ano.

O vento seguirá a estar tranquilo, agás polo oeste na fin de semana onde aumentará a súa intensidade e un pouco menos polo sur.

Refrescaremos en Galicia. Si, aínda que non o creas, esa é a nova para os vindeiros días. Deixaremos os valores altos de temperatura e voltaremos a valores máis normais para esta época do ano con máximas pouco sobre os 30º nos puntos quentes do país que todos sabemos. Tamén haberá máis nubes polo norte e non se descarta algunha chuvia feble. O vento comezará a aumentar na fin de semana polo litoral, estando practicamente ausente antes.

Como les, parece que polo norte relaxaremos coa calor e no resto non tanto, pero si algo menos e todo isto sen chuvia apenas.

Comentarios (0) Xuñ 22 2017

Relaxa a calor?

Posted: under O tempo.

Xa rematou esta fin de semana tan calorosa que tivemes e aínda hoxe tamén lle chegou de carallo coa calor, non si? Agora toca ver, se dunha vez por todas, voltamos a unhas temperaturas máis axeitadas e non esta calor extrema que nos ten fritos e iso será o que tentarei contarche de aquí en diante.

Como vas na imaxe de satélite desta tarde, xa hai bastantes nubes sobre a península Ibérica e que estiveron a deixar algunha que outra treboada que refrescou o ambiente.

Pois ben, a situación é que aínda que as altas presións van a seguir predominando, a entrada de aire frío nas capas medias e altas da atmosfera fará que refresque un pouco e mesmo de lugar a formación de treboadas que en calquer punto da península relaxen a sensación de calor. Resumindo isto telo nas seguintes imaxes do modelo GFS previstas para o mércores pola tarde para os campos de isóbaras e nebulosidade (esquerda) e o campo de precipitación (dereita).

Si, aínda fará calor, pero xa co paso dos días será menos. Non moita menos, pero xa fora de avisos importantes e notándose máis polo norte.

O que si é que seguiremos sen apenas vento, salvo algo pola zona do estreito de Xibraltar.

Tamén irá marchando a calor de Galicia, pasiño a pasiño, pero xa rematando a semana con 5 ou máis graos menos de máximas con respeito a estes días e, sobre todo, máis fresco pola noite. Destacar as treboadas. Xa no día de hoxe nalgún punto lle tocou a loteria dela e nos vindeiros días voltará a tocarlle ou tocaralle a outro sitio, sobre todo nas provincias de Lugo e Ourense. E todo isto sen apenas vento.

Como les, seguiremos con calor, pero xa menos. Aínda así chegaralle ben en moitos puntos, pero sen ser tan abafante e mesmo con certa frescura debido ás treboadas.

Comentarios (0) Xuñ 19 2017

Máis calor?

Posted: under O tempo.

Se estás lendo é que sobreviviches á calor destes días e xa estarás ata as narices, por non usar outra expresión, del, non si? Agora che conto o que ven, pero…

Iso si, como podes ver na seguinte imaxe de satélite de primeira hora desta tarde, nalgúns sitios esta calor foi refrescada cunha boa ración de treboada.

Pois ben, a situación, sinto dicirche, non vai cambiar; mais ben ao contrario porque manterase igual e aínda con máis calor. Si, subirán as temperaturas e moitos puntos da península superarán os 40º e por riba dos 30º en practicamente o resto. Agora ben, polo centro e sur peninsulares voltará a posibilidade de que pola tarde aparezan as treboadas e refresque polas tardiñas. O resumo visual disto telo nas seguintes imaxes do modelo GFS previstas para a tarde do sábado: á esquerda o campo de isóbaras coas altas presións mandando e o campo de nebulosidade coas nubes de evolución e á dereita o campo de precipitación coa precipitación asociada a esas nubes de evolución.

Como xa che dixen fará moita calor, así que atenta/o aos avisos pertinentes e toma a correspondentes precaucións.

O vento non axudará a mitigar esta calor infernal porque apenas haberá, salvo polo litoral norte e litoral sur onde se notará un pouco máis e ata por momentos con certa intensidade.

E si, en Galicia tamén irá calor, moita calor nos sospeitosos habituais do interior de Ourense, sur de Lugo e Baixo Miño onde os 40º estarán aí e por riba dos 30º tamén en case todo o país, menos polo norte onde o vento que fará refrescará o ambiente. Iso si, algunha nube de evolución podería aparecer pola montaña ourensá na fin de semana.

Como les, toca seguir papando moita calor, así que a coidarse porque o luns quérote aquí para saber cando remata esta “ola de calor” que temos enriba.

Comentarios (0) Xuñ 15 2017

Sobrevivindo á calor?

Posted: under O tempo.

Buff, vaia calor vai!!! Seguro que é o que estás a dicir desde fai uns días, non si? Pois raźon non che falta. Agora seguro que o que queres saber é cando marchará, así que vou ver se cho digo.

Como ves na seguinte imaxe de satélite desta mesma tarde, o sol é protagonista en liñas xerais, aínda que algunha nube polo litoral cantábrico se pode apreciar xunto coas nubes de evolución que deixaron algunha que outra treboada por Castela e León.

Pois ben, a situación non vai cambiar a grandes rasgos porque as altas presións van a seguir mandando sobre a península Ibérica xunto coa masa de aire cálido. E isto en que se traduce? No mesmo que estamos a ter estes días: pouca nube, moito sol e moita máis calor. Agora ben, hai un matiz que compre salientar e que non é outro que o da posibilidade, lixeira, pero posibilidade, dalgunha treboada polo centro e norte ao longo da semana. Podes ver isto resumido nas seguintes imaxes do modelo GFS previstas para o vindeiro mércores ao mediodía para os campos de isóbaras e nebulosidade (esquerda) e o campo de precipitación (dereita).

E si, como xa che adiantei seguirá a calor. Moita calor polo centro e sur peninsulares con valores máximos por riba dos 40º e por riba dos 30º en gran parte da península. Podes apreciar isto nos valores morados no centro e sur da península das seguintes imaxes do modelo previstas para mañá martes (esquerda), o mércores (centro) e o xoves (dereita) para o campo de temperatura a 850hPa, sobre os 1500 metros de altura.

De vento, como podes supoñer, tranquilos; agás un aumento cara finais de semana polo oeste peninsular.

Si, en Galicia tamén paparemos calor. En gran parte do país acadaranse máximas por riba dos 30º co litoral norte un pouco máis relaxados. De ceo haberá bastante sol, pero ollo que poderían aparecer as treboadas en zonas altas e do interior e deixar algún que outro chuvasco que refresque o ambiente. De vento relativamente en calma ata mediada a semana que será cando polo litoral atlántico aumente a súa intensidade.

Como les, toca seguir papando calor, e moito; así que extremar precaucións e moito coidado que te quero o xoves por aquí para contarche se isto remata ou non.

Comentarios (0) Xuñ 12 2017

Asados?

Posted: under O tempo.

Bueno, estamos rematando a semana e xa sudando un pouco coa calor, verdade? Pois agora che conto se isto vai seguir ou teremos tregua.

Como podes ver na seguinte imaxe de satélite desta mesma tarde os efectos do sol son case completos sobre a península Ibérica con algunha que outra nube estorbando polo noroeste.

Pois ben, isto non vai cambiar moito. Mais ao contrario, haberá menos nubes polo noroeste e subirán as temperaturas co que imos pasar bastante calor, sobre todo polo centro e sur peninsulares pasando dos 30º en moitos puntos e mesmo chegando aos 40º nalgúns deles. Resumindo, tal e como podes ver nas seguintes imaxes do campo de isóbaras e nebulosidade (esquerda) e de precipitación (dereita) previstos para o vindeiro sábado ao mediodía, salvo algunhas nubes por aí perdidas, o sol será o que mande.

O aumento das temperaturas estará presente ata acadar eses valores tan altos como podes ver se comparas as dúas seguintes imaxes: á esquerda a deste mediodía e á dereita a previstas para o vindeiro domingo a esa mesma hora.

E, como podes supoñer, con esta estabilidade o vento estará ausenta. Apenas se notará algo polo oeste peninsular rematando a fin de semana.

Si, en Galicia tamén irá calor. Non tanta, pero os sospeitosos habituais do interior de Ourense e sur de Lugo pasarán dos 30º. Agás pola costa onde haberá algunha que outra nube, o sol mandará sobre o ceo galego nos vindeiros días con pouco vento, aumentando polo oeste na xornada do domingo.

Como les, toca papar calor do bo nesta fin de semana, así que moito coidado e seguir as recomendacións pertinentes.

Comentarios (0) Xuñ 08 2017